غير مصنف

اسهل واطيب طريقه لعمل القيمه النجفيه العراقيه

طريقه عمل القيمه النجفيه العراقيه بالصور منقول من ربة بيت عراقيه كل الشكر لها 💜 :

تنگيع الحمص قبل يوم وسلقه

اللحم تكون كميته اقل من الحمص يعني اذا كيلو حمص ثلاث ارباع او شويه اقل لحم بلا عظم ويفضل الغنم

اني متعوده اسلكه وحده اللحم مجرد يذب الزفر والوسخ مالته اصفي الماي واخلط اللحم ويه الحمص والماي مالته استخدمه بعدين لان القيمه تحتاج بعدين ماي لان تثخن اثناء الطبخ

اللحم دا ادكه وطبعا القيمه تندك تندرخ مو بالخلاط او محضره الطعام لا تخرب لازم ادكوها وتمردوها

اهنا بعد مخلصت درخ الحمص وخلطته باللحم

هيج شكله ومن ينخلط وينهرس تذبون معجون الطماطه تذبون كميه كميه اذا احتاجت ضيفوا لحد ما لونها يصيرون برتقالي حلو مو طوخ حمره لا

البهارات الي هي عباره عن نومي بصره مطحون دارسين كمون هيل مطحون سبع بهارات فلفل اسود اذا تحبون كاري بصوره عامه شعدكم بهارات خلطوا بس اهم شي الدراسين والهيل والنومب بصره الاساسيات ذوله

انطيكم سر القيمه النجفيه العلاچيه بعد متضبطون البهارات والملح والطعم وقبل لا تهدوها خلوا طحين حمص خلطوه بالماي ذوبوه وخلطوه بالقيمه الفائده انه متصير بيها ماي وتصير علاچيه

شوفوا هذا الماي الي اقصده بس تبرد القيمه تفرز ماي اذا خلطتوا طحين حمص مراح تفرز

أعجبني

أحببته

والف عاافيه 💜☺️

السابق
زواج الفنان علي يوسف
التالي
IOS11 التحديث الجديد للايفون 2018

اترك رد